ივნისი 2026

სასწავლო პროცესის ეთიკის წესების დარღვევად ჩაითვლება

1.სასწავლო პროცესის ეთიკის დარღვევად ითვლება პლაგიატი, სხვისი ნაშრომის საკუთარად წარმოდგენა, სხვა სტუდენტის ნამუშევრის მოპარვა, შეცვლა ან განადგურება.

2.დაუშვებელია სხვა სტუდენტისთვის აკადემიურ თაღლითობაში დახმარება, სხვის ნაცვლად გამოცდის ჩაბარება, პირადობის გაყალბება ან გამოცდის მასალების უნებართვოდ გავრცელება.

3.ეთიკის დარღვევად ითვლება ასევე შეფასების მიღების მიზნით მასწავლებელზე ან ადმინისტრაციაზე ზეწოლა, უკვე ჩაბარებული ნამუშევრის უნებართვოდ შეცვლა და კოლეჯში წარსადგენი დოკუმენტაციის გაყალბება ან არასრულყოფილად წარდგენა.

ეთიკის ზოგადი წესების დარღვევად ჩაითვლება

1. ეთიკის წესების დარღვევად ითვლება ისეთი ქცევა, რომელიც ხელს უშლის სასწავლო პროცესს, აზიანებს კოლეჯის გარემოს, ქონებას ან სხვა პირის უფლებებსა და უსაფრთხოებას.

2. სტუდენტმა არ უნდა დააზიანოს ან დააბინძუროს კოლეჯის სივრცე, ინვენტარი და სასწავლო რესურსები; არ უნდა გამოიყენოს შეურაცხმყოფელი სიტყვები, არ უნდა გამოიწვიოს ხმაური, კონფლიქტი ან სხვა პირის მიმართ ზეწოლა.

3. კოლეჯში დაუშვებელია ალკოჰოლის, თამბაქოს, ნარკოტიკული ან ფსიქოტროპული ნივთიერებების შეტანა, გამოყენება ან მათი ზემოქმედების ქვეშ გამოცხადება. ასევე აკრძალულია იარაღის შეტანა, აზარტულ თამაშებში მონაწილეობა და სხვა პირის ნივთის უნებართვოდ აღება.

4. ეთიკის დარღვევად ითვლება გამოცდის წესების დარღვევა, არასწორი ინფორმაციის გავრცელება, კოლეჯის დოკუმენტაციის უნებართვოდ აღება ან განადგურება, აგრეთვე კოლეჯში გამოცხადება ისეთი ჩაცმულობით ან ქცევით, რომელიც არ შეესაბამება სასწავლო გარემოს.

სტუდენტთა მოსასვენებელი სივრცე

სტუდენტთა მოსასვენებელი სივრცე განკუთვნილია სტუდენტებისა და მსმენელებისთვის სასწავლო პროცესს შორის დასვენების, კომუნიკაციისა და არაფორმალური ურთიერთობისთვის. აღნიშნული გარემო ხელს უწყობს მეგობრული, მხარდამჭერი და კომფორტული ატმოსფეროს შექმნას.

მოსასვენებელი სივრცე სტუდენტებს აძლევს შესაძლებლობას, დაისვენონ, ისაუბრონ ერთმანეთთან, დაგეგმონ სასწავლო აქტივობები და თავი იგრძნონ კოლეჯის საერთო გარემოს ნაწილად. კომფორტული დამხმარე სივრცეების არსებობა მნიშვნელოვანია როგორც სასწავლო პროცესის ხარისხისთვის, ისე სტუდენტთა ყოველდღიური გამოცდილებისთვის.

სიმულაციური სწავლების სივრცე

სიმულაციური სწავლების სივრცე კოლეჯის ერთ-ერთი მნიშვნელოვანი სასწავლო გარემოა, სადაც სწავლება ხორციელდება რეალურ სამუშაო სიტუაციებთან მიახლოებული პირობებით. სიმულაციური სწავლება სტუდენტებს აძლევს შესაძლებლობას, უსაფრთხო გარემოში განივითარონ გადაწყვეტილების მიღების, დაკვირვების, ანალიზისა და პროფესიული მოქმედების უნარები.

აღნიშნული სივრცე ხელს უწყობს პრაქტიკული შემთხვევების გააზრებას, შეცდომების ანალიზს და სწორი პროფესიული ქცევის ჩამოყალიბებას. სიმულაციური სწავლება განსაკუთრებით ეფექტურია იმ მიმართულებებში, სადაც მნიშვნელოვანია რეალურ სიტუაციებზე წინასწარი მომზადება და მოქმედებების თანმიმდევრული შესრულება.

პროფესიულ სტუდენტს ეკისრება შემდეგი ვალდებულებები

1. სტუდენტი ვალდებულია დაიცვას კოლეჯის წესები, შიდა რეგულაციები, სასწავლო ხელშეკრულებით განსაზღვრული პირობები და საგანმანათლებლო პროგრამის მოთხოვნები.

2. სტუდენტმა პატივი უნდა სცეს სხვა პირების უფლებებსა და ინტერესებს, იმოქმედოს აკადემიური კეთილსინდისიერებით და არ გამოიყენოს პლაგიატი.

3. სტუდენტი ასევე ვალდებულია გაუფრთხილდეს კოლეჯის და პრაქტიკის ობიექტის ინფრასტრუქტურას, მატერიალურ რესურსებს და იზრუნოს კოლეჯის დადებით იმიჯსა და რეპუტაციაზე.

პრაქტიკული წვრთნების C გარემო

პრაქტიკული წვრთნების C გარემო შექმნილია პროფესიული უნარების განვითარებისა და პრაქტიკული სავარჯიშოების შესრულებისთვის. ამ სივრცეში სტუდენტები თეორიულად მიღებულ ცოდნას პრაქტიკაში იყენებენ და ეუფლებიან იმ მოქმედებებს, რომლებიც აუცილებელია პროფესიული საქმიანობისთვის.

C გარემო ხელს უწყობს სტუდენტების აქტიურ მონაწილეობას, ინსტრუქტორის ზედამხედველობით სწავლებას და უსაფრთხო პირობებში პრაქტიკული გამოცდილების მიღებას. პრაქტიკული წვრთნები განსაკუთრებით მნიშვნელოვანია პროფესიული მზადყოფნის, პასუხისმგებლობისა და სამუშაო პროცესის სწორად შესრულების უნარის განვითარებისთვის.