სიახლეები

კოლეჯ მერიდიანის მორიგი 4 კურსდამთავრებული უკვე შორეულ ნაოსნობაშია!

კოლეჯ მერიდიანის მორიგი 4 კურსდამთავრებული უკვე შორეულ ნაოსნობაშია!

მათ წარმატებით დაიწყეს კარიერა სხვადასხვა ტიპის გემებზე საერთაშორისო კომპანიებში და რეალურ სამუშაო გარემოში წარმატებით იყენებენ კოლეჯში მიღებულ ცოდნასა და პრაქტიკულ გამოცდილებას.

წარმატებულ და უსაფრთხო ნაოსნობას ვუსურვებთ ჩვენს კურსდამთავრებულებს!

მერიდიან მერითაიმ თრეინინგ სენთერსა და ბათუმის საზღვაო პორტს შორის ურთიერთთანამშრომლობის მემორანდუმი გაფორმდა

 მერიდიან მერითაიმ თრეინინგ სენთერსა და ბათუმის საზღვაო პორტს შორის ურთიერთთანამშრომლობის მემორანდუმი გაფორმდა.

თანამშრომლობის ფარგლებში კოლეჯ მერიდიანის პროფესიულ სტუდენტებს შესაძლებლობა ექნებათ, გაიარონ პრაქტიკა ბათუმის საზღვაო ნავსადგურში.

მემორანდუმი ასევე მოიცავს ნავსადგურის გემებზე დასაქმებული მეზღვაურების გადამზადებასა და შესაბამისი წვრთნების გავლას მერიდიან მერითაიმ თრეინინგ სენთერში.

საშემოდგომო მიღების ახალი სასწავლო წელი დაიწყო!

გემის ტექნიკური მომსახურება – პრაქტიკული მეცადინეობა

კოლეჯ მერიდიანსა და ბათუმის ნავიგაციის კოლეჯს შორის ამხანაგური საფეხბურთო ტურნირი გაიმართა.

მატჩი მეგობრულ და აქტიურ გარემოში ჩატარდა. მსგავსი შეხვედრები ხელს უწყობს სტუდენტებს შორის თანამშრომლობის გაძლიერებას, ჯანსაღი ცხოვრების წესის პოპულარიზებასა და მომავალში საერთო პროექტების განვითარებას.

პრაქტიკული სწავლება მერიდიანის საწვრთნელ ბაზაზე

პრაქტიკული სწავლება მერიდიანის საწვრთნელ ბაზაზე მიმდინარეობს რეალურ პირობებთან მაქსიმალურად ახლო გარემოში, სადაც სტუდენტები უშუალოდ მუშაობენ აღჭურვილობასთან, ასრულებენ უსაფრთხოების, ტექნიკურ და საოპერაციო ამოცანებს. მსგავსი მიდგომა მათ აძლევს გამოცდილებას, რომელიც საჭიროა რეალურ გემზე მუშაობისთვის, რაც აძლიერებს მათ პროფესიულ მზაობას.

2024 წლის საგაზაფხულო მიღების პრაქტიკის დაცვა

2024 წლის საგაზაფხულო მიღების სტუდენტებმა წარმატებით წარმოადგინეს პრაქტიკის შედეგები. განხორციელდა პრაქტიკის შეჯამება და განხილვა. შეხვედრის მიზანი იყო პრაქტიკული გამოცდილების ანალიზი, მიღებული ცოდნისა და უნარების შეფასება.

საერთაშორისო კონფერენცია განათლების ხარისხის განვითარებაზე

განათლების ხარისხის განვითარების ეროვნული ცენტრის დაარსებიდან 15 წლის იუბილესთან და საქართველოს ბოლონიის პროცესში ჩართვის 20 წლისთავთან დაკავშირებით, ცენტრის ორგანიზებით ორდღიანი საერთაშორისო კონფერენცია გაიმართა.

ღონისძიებაზე განხილულ იქნა პროფესიული განათლების ხარისხის უზრუნველყოფის სისტემის განვითარების მიმართულებით არსებული მიღწევები და გამოწვევები.

კონფერენციას ესწრებოდა კოლეჯ მერიდიანის სასწავლო პროცესის უზრუნველყოფის ხელმძღვანელი.

კოლეჯ მერიდიანში ახალი სასწავლო წელი დაიწყო!

კოლეჯ მერიდიანში ახალი სასწავლო წელი დაიწყო! ვულოცავთ ჩვენს სტუდენტებს, ვუსურვებთ ნაყოფიერ და საინტერესო სასწავლო წელს! ზღვისკენ მიმავალი გზა მერიდიანიდან იწყება! 

რეგისტრაცია პროფესიულ საგანმანათლებლო პროგრამაზე – საგემბანე განყოფილების ექსპლუატაცია დაიწყო!

სამუშაო შეხვედრა

კოლეჯ მერიდიანში გაიმართა სამუშაო შეხვედრა, სადაც განხილული იყო როგორც ახალი, ისე მიმდინარე სასწავლო წლის მნიშვნელოვანი საკითხები.

შეხვედრის ფარგლებში განვიხილეთ:

ახალი სასწავლო წლის დაგეგმვა და ორგანიზაციული პროცესები;

მიმდინარე სასწავლო წლის აქტუალობები;

რიდერების გამოყენება და განახლება;

სტუდენტური პორტალის ფუნქციონალი და სიახლეები;

ის სიახლეები, რაც სტუდენტებსა და მასწავლებლებს ახალ სასწავლო წელს ელოდებათ.

ხელოვნური ინტელექტი და მისი ინტეგრაცია სასწავლო პროცესში

კოლეჯ მერიდიანში ჩატარდა ტრენინგი თემაზე – „ხელოვნური ინტელექტი და მისი ინტეგრაცია სასწავლო პროცესში“, რომელიც პროფესიული განათლების მასწავლებლებისთვის იყო განკუთვნილი.

ტრენინგის მონაწილეები დეტალურად გაეცნენ AI ტექნოლოგიების შესაძლებლობებს და შეისწავლეს, თუ როგორ შეიძლება მათი ეფექტური ინტეგრირება სწავლა-სწავლების პროცესში.