კოლეჯ მერიდიანის 4 კურსდამთავრებული უკვე შორეულ ნაოსნობაშია!
მათ წარმატებით დაიწყეს კარიერა სხვადასხვა ტიპის გემებზე საერთაშორისო კომპანიებში და რეალურ სამუშაო გარემოში წარმატებით იყენებენ კოლეჯში მიღებულ ცოდნასა და პრაქტიკულ გამოცდილებას.
წარმატებულ და უსაფრთხო ნაოსნობას ვუსურვებთ ჩვენს კურსდამთავრებულებს!
სასწავლო პროცესის კიდევ ერთი მნიშვნელოვანი სიახლე იყო სასწავლო მოდულებისთვის რიდერების ( სასწავლო გზამკვლევების ) შემუშავება, რაც ინოვაციურ მიდგომას წარმოადგენს პროფესიულ განათლებაში. რიდერი წარმოადგენს სპეციალურად სტუდენტებისთვის განკუთვნილ სასწავლო გზამკვლევებს, რომლებშიც მარტივი და გასაგები ენით არის გადმოცემული თითოეული მოდულის ძირითადი თემები.
რიდერები შემუშავდა შემდეგი მიზნებით:
- სტუდენტებს უკეთესად გაეგოთ და დაემახსოვრებინათ მოდულის ძირითადი საკითხები;
- რთული თეორიული მასალა მათთვის უფრო ხელმისაწვდომი და გასაგები გამხდარიყო;
- დამოუკიდებელი მუშაობა გამარტივებულიყო;
- რიდერები გამოირჩევა იმით , რომ არ არის გადატვირთული ზედმეტი აკადემიური ტერმინოლოგიით – მასალა გადმოცემულია მკაფიო , ლოგიკურად თანმიმდევრული სტრუქტურით , რაც ეხმარება სტუდენტებს თეორიის სწრაფად აღქმასა და პრაქტიკაში გამოყენებაში.
კოლეჯი მერიდიანის წარმომადგენლებმა მონაწილეობა მიიღეს პროფესიული უნარების სააგენტოს ორგანიზებულ, კოლეჯებისთვის სამდღიან ტრენინგში თემაზე – “საგრანტო წინადადებების შემუშავება და ფონდების მოძიება“.
ტრენინგი კოლეჯ „ახალ ტალღაში“ ჩატარდა და მასში მონაწილეობა მიიღეს იმ პროფესიული საგანმანათლებლო დაწესებულების წარმომადგენლებმა, რომლებიც ინტერნაციონალიზაციის მიმართულებით მუშაობენ
მონაწილეებმა საგრანტო წინადადების შესადგენად ყველა მნიშვნელოვანი კომპონენტი დაამუშავეს, როგორც თეორიული, ისე პრაქტიკული აქტივობების გზით. 
სასწავლო მოდული ევროპის საბჭოსა და ევროკომისიის მიერ აღიარებული ზრდასრულთა მთელი ცხოვრების მანძილზე სწავლების (𝐥𝐢𝐟𝐞-𝐥𝐨𝐧𝐠 𝐥𝐞𝐚𝐫𝐧𝐢𝐧𝐠) სტანდარტების შესაბამისად იყო შემუშავებული
ტრენინგის ფარგლებში მონაწილეების მიერ შეძენილი ახალი უნარები და ცოდნა მნიშვნელოვნად შეუწყობს ხელს კოლეჯების წარმომადგენლებს საერთაშორისო გრანტების მოზიდვასა და კონკურენტუნარიანი პროექტების შექმნაშისამდღიანი ტრენინგი გაეროს განვითარების პროგრამის (UNDP) „პროფესიული განათლების სისტემის მოდერნიზება საქართველოს სოფლის მეურნეობაში“ ფარგლებში გაიმართა.
პროფესიულ საგანმანათლებლო პროგრამაზე – საგემბანე განყოფილების ექსპლუატაცია – რეგისტრაცია იწყება
გამოიყენეთ ეს შესაძლებლობა და დარეგისტრირდით 28 აპრილიდან 20 მაისის ჩათვლით
სწავლა სრულად ფინანსდება სახელმწიფოს მიერ