სიახლეები

პრაქტიკული სწავლება მერიდიანის საწვრთნელ ბაზაზე

პრაქტიკული სწავლება მერიდიანის საწვრთნელ ბაზაზე მიმდინარეობს რეალურ პირობებთან მაქსიმალურად ახლო გარემოში, სადაც სტუდენტები უშუალოდ მუშაობენ აღჭურვილობასთან, ასრულებენ უსაფრთხოების, ტექნიკურ და საოპერაციო ამოცანებს. მსგავსი მიდგომა მათ აძლევს გამოცდილებას, რომელიც საჭიროა რეალურ გემზე მუშაობისთვის, რაც აძლიერებს მათ პროფესიულ მზაობას.

2024 წლის საგაზაფხულო მიღების პრაქტიკის დაცვა

2024 წლის საგაზაფხულო მიღების სტუდენტებმა წარმატებით წარმოადგინეს პრაქტიკის შედეგები. განხორციელდა პრაქტიკის შეჯამება და განხილვა. შეხვედრის მიზანი იყო პრაქტიკული გამოცდილების ანალიზი, მიღებული ცოდნისა და უნარების შეფასება.

საერთაშორისო კონფერენცია განათლების ხარისხის განვითარებაზე

განათლების ხარისხის განვითარების ეროვნული ცენტრის დაარსებიდან 15 წლის იუბილესთან და საქართველოს ბოლონიის პროცესში ჩართვის 20 წლისთავთან დაკავშირებით, ცენტრის ორგანიზებით ორდღიანი საერთაშორისო კონფერენცია გაიმართა.

ღონისძიებაზე განხილულ იქნა პროფესიული განათლების ხარისხის უზრუნველყოფის სისტემის განვითარების მიმართულებით არსებული მიღწევები და გამოწვევები.

კონფერენციას ესწრებოდა კოლეჯ მერიდიანის სასწავლო პროცესის უზრუნველყოფის ხელმძღვანელი.

კოლეჯ მერიდიანში ახალი სასწავლო წელი დაიწყო!

კოლეჯ მერიდიანში ახალი სასწავლო წელი დაიწყო! ვულოცავთ ჩვენს სტუდენტებს, ვუსურვებთ ნაყოფიერ და საინტერესო სასწავლო წელს! ზღვისკენ მიმავალი გზა მერიდიანიდან იწყება! 

რეგისტრაცია პროფესიულ საგანმანათლებლო პროგრამაზე – საგემბანე განყოფილების ექსპლუატაცია დაიწყო!

სამუშაო შეხვედრა

კოლეჯ მერიდიანში გაიმართა სამუშაო შეხვედრა, სადაც განხილული იყო როგორც ახალი, ისე მიმდინარე სასწავლო წლის მნიშვნელოვანი საკითხები.

შეხვედრის ფარგლებში განვიხილეთ:

ახალი სასწავლო წლის დაგეგმვა და ორგანიზაციული პროცესები;

მიმდინარე სასწავლო წლის აქტუალობები;

რიდერების გამოყენება და განახლება;

სტუდენტური პორტალის ფუნქციონალი და სიახლეები;

ის სიახლეები, რაც სტუდენტებსა და მასწავლებლებს ახალ სასწავლო წელს ელოდებათ.

ხელოვნური ინტელექტი და მისი ინტეგრაცია სასწავლო პროცესში

კოლეჯ მერიდიანში ჩატარდა ტრენინგი თემაზე – „ხელოვნური ინტელექტი და მისი ინტეგრაცია სასწავლო პროცესში“, რომელიც პროფესიული განათლების მასწავლებლებისთვის იყო განკუთვნილი.

ტრენინგის მონაწილეები დეტალურად გაეცნენ AI ტექნოლოგიების შესაძლებლობებს და შეისწავლეს, თუ როგორ შეიძლება მათი ეფექტური ინტეგრირება სწავლა-სწავლების პროცესში.

ინოვაციური ციფრული პლატფორმა

შევიმუშავეთ ინოვაციური ციფრული პორტალი, რომელიც უნიკალურია ქართულ პროფესიულ-საგანმანათლებლო სივრცეში. პლატფორმა უზრუნველყოფს სასწავლო პროცესის სრულ ციფრულ მართვას და მნიშვნელოვნად ამარტივებს, როგორც ადმინისტრაციულ, ასევე აკადემიურ პროცესებს.

სტუდენტებს საშუალება აქვთ, ელექტრონულად ასახონ ყველა საგნის შედეგი, რაც ხელს უწყობს მონაცემების ეფექტურ და გამჭვირვალე ადმინისტრირებას. მასწავლებლებს ეძლევათ შესაძლებლობა, პორტალზე შეადგინონ კალენდარული გეგმები, განრიგები, ატვირთონ სწავლის პროცესთან დაკავშირებული დოკუმენტები და მარტივად მართონ სასწავლო პროცესი. პლატფორმა მოიცავს უწყისების ავტომატურ ფორმირებასაც, რაც კიდევ უფრო ამცირებს ბიუროკრატიულ რესურსებს.

პორტალზე ასევე ასახულია სტუდენტთა პირადი საქმეები, რაც სისტემატიზებულად ინახავს მათ აკადემიურ და ადმინისტრაციულ ინფორმაციას. შედეგების დადასტურების შემდეგ სისტემაში ავტომატურად იქმნება ინდივიდუალური პორტფოლიოები, რაც მნიშვნელოვნად ზრდის სტუდენტთა პროფესიული განვითარების დოკუმენტურ მხარდაჭერას.

პორტალი ეფექტურად ცვლის ქაღალდზე დაფუძნებულ მიდგომებს და უზრუნველყოფს სრულად ციფრულ, მოქნილ და თანამედროვე მართვის სისტემაზე გადასვლას.

კოლეჯ მერიდიანის 4 კურსდამთავრებული უკვე შორეულ ნაოსნობაშია!

კოლეჯ მერიდიანის 4 კურსდამთავრებული უკვე შორეულ ნაოსნობაშია!

მათ წარმატებით დაიწყეს კარიერა სხვადასხვა ტიპის გემებზე საერთაშორისო კომპანიებში და რეალურ სამუშაო გარემოში წარმატებით იყენებენ კოლეჯში მიღებულ ცოდნასა და პრაქტიკულ გამოცდილებას.

წარმატებულ და უსაფრთხო ნაოსნობას ვუსურვებთ ჩვენს კურსდამთავრებულებს!

რიდერები

სასწავლო პროცესის კიდევ ერთი მნიშვნელოვანი სიახლე იყო სასწავლო მოდულებისთვის რიდერების ( სასწავლო გზამკვლევების ) შემუშავება, რაც ინოვაციურ მიდგომას წარმოადგენს პროფესიულ განათლებაში. რიდერი წარმოადგენს სპეციალურად სტუდენტებისთვის განკუთვნილ სასწავლო გზამკვლევებს, რომლებშიც მარტივი და გასაგები ენით არის გადმოცემული თითოეული მოდულის ძირითადი თემები.

რიდერები შემუშავდა შემდეგი მიზნებით:

1) სტუდენტებს უკეთესად გაეგოთ და დაემახსოვრებინათ მოდულის ძირითადი საკითხები;

2) რთული თეორიული მასალა მათთვის უფრო ხელმისაწვდომი და გასაგები გამხდარიყო;

3) დამოუკიდებელი მუშაობა გამარტივებულიყო;

4) რიდერები გამოირჩევა იმით , რომ არ არის გადატვირთული ზედმეტი აკადემიური ტერმინოლოგიით – მასალა გადმოცემულია მკაფიო , ლოგიკურად თანმიმდევრული სტრუქტურით , რაც ეხმარება სტუდენტებს თეორიის სწრაფად აღქმასა და პრაქტიკაში გამოყენებაში.

სასწავლო პრაქტიკა

კომუნიკაციების ომბუდსმენის ვიზიტი

მომხმარებელთა ინტერესების საზოგადოებრივი დამცველის სამსახური საინფორმაციო კამპანიის ფარგლებში კოლეჯ მერიდიანს ესტუმრა.